Փաստաբան, «Ելք» դաշինքի պատգամավորության թեկնածու Նիկոլայ Բաղդասարյանը հրապարակային դիմում է ներկայացրել գլխավոր դատախազություն, մասնավորապես Քանաքեռ-Զեյթուն վարչական տարածքում ռեյտինգային ցուցակով առաջադրված թեկնածու Ռոբերտ Սարգսյանի թույլ տված խախտումների վերաբերյալ: Փաստաբանն «Առաջին լրատվական»- ի հետ զրույցում մանրամասնեց, որ ապրում է Քանաքեռ-Զեյթուն վարչական տարածքում և նկատել է. «Կատարվում են շենքերի վերանորոգումներ, լուսաֆորներ, դամաֆոններ են տեղադրվում, ասֆալտապատում է կատարվում: Փաստերն արձանագրելով՝ դիմել եմ Գլխավոր դատախազին, հայտնելով, որ իմ կարծիքով այդ աշխատանքները հնարավոր է ընտրակաշառք են: Գլխավոր դատախազությունը արագ արձագանքել է, սակայն աշխատանքները դանդաղում են»:
Նիկոլայ Բաղդասարյանը նաև նշեց, որ այդ խախտումները կարող են ազդել ընտրությունների արդյունքի վրա, ինչը նշանակում է, որ ընտրություններն ազատ և արդար չեն լինի:
Նիկոլայ Բաղդասարյանը նաև տեղեկացրեց, որ դիմում է ներկայացրել ԿԸՀ՝ Առաքել Մովսիսյանի կողմից խախտումների վերաբերյալ. «ԿԸՀ դիմում եմ ներկայացրել՝ խնդրելով դադարեցնել Ա. Մովսիսյանի լիազորությունը, քանի որ նրա կողմից ակնհայտ խախտումներ են եղել: ԿԸՀ-ն ոչ թե նկատողություններ պետք է անի, այլ պետք է դադարեցնի խախտումներ թույլ տվող թեկնածուների լիազորությունը, իսկ ապացույցները համացանցում շատ են»:
Մանրամասները՝ տեսանյութում: