«ՊԲ նախկին հրամանատար, գեներալ-լեյտենանտ, Արցախի հերոս Սամվել Բաբայանի ձերբակալությունը քաղաքական ակտ է պետության կողմից»,- այս ամեն ինչն ավելի խոր արմատներ ունի,- «Առաջին լրատվական»- ի հետ զրույցում այս մասին ասաց ազատամարտիկ, ՕՐՕ դաշինքի պատգամավորության թեկնածու Սմբատ Հակոբյանը:
Ս. Հակոբյանը կարծիք հայտնեց, որ Բաբայանի ձերբակալման պատճառն այն է, որ նա ջատագովն է այն մտքի, որ որևէ մեկը իրավունք չունի հողերի հանձնելու մասին անգամ մտածելու, և որ դրանք հայի արյունով ազատագրված տարածքներ են, ոչ թե գրավյալ:
«Ո՞վ չգիտի, որ Սամվել Բաբայանը հանցագործ չէ, ո՞վ չգիտի, որ Սամվել Բաբայանը իր ժողովրդի, իր պետականության դեմ զենք չի բարձրացնի:
Իշխանությունը փոխանակ այս հերթական ապօրինի ձերբակալություններին գնալու, թող բարեփոխումների գնա»,- նշեց Ս. Հակոբյանը:
Անդրադառնալով դիտարկմանը, որ Սամվել Բաբայանը բավականին կոշտ հռետորաբանություն էր ընտրել վերջին շրջանում, նույնիսկ արյունահեղությունը չէր բացառում, Սմբատ Հակոբյանը հստակեցրեց. «Չէ՛, արյունահեղություն միտքը վերագրում են Սամվել Բաբայանին, բայց նրա միտքը իրականում սա էր՝ մի՛ տարեք մեզ արյունահեղության: Նա չէր ասում՝ ես գնում եմ արյունահեղության, ասում էր՝ մի՛ ստիպեք, որ մենք մեղք գործենք:
Ես և իմ համախոհները, նաև Սամվել Բաբայանը չենք ցանկանում, որ մի հայ մարդու արյուն կաթի: Մենք դեմն ենք, որ հայը հայի վրա զենք բարձրացնի»:
Մանրամասները՝ տեսանյութում: