«Ժամանակ» թերթը գրում է. «Կենտրոն և Էրեբունի համայնքները ընդգրկող ընտրատարածքում, որտեղ առաջադրվել է տրանսպորտի և կապի նախկին նախարար Գագիկ Բեգլարյանի եղբայրը՝ Հակոբ Բեգլարյանը, մեծ ազդեցություն ունեն քրեական տարրերը։ Սակայն նրանք ևս բաժանվել են երկու մասի։ Քրեականների մի մասը սատարում է Հակոբ Բեգլարյանին, իսկ մյուս մասը՝ նախկին ԲՀԿ-ական, էրեբունու ԲՀԿ կառույցի նախկին ղեկավար, Սնխչի Հարութին՝ Հարություն Կարապողոսյանին։ Նա քարոզարշավի մեկնարկից շաբաթներ առաջ դիմում գրեց և դուրս եկավ ԲՀԿ-ից և առաջադրվեց ՀՀԿ ռեյտինգային ցուցակով։
Կրիմինալից Սնխչի Հարութին աջակցում է հատկապես Պիստը։ Հիմա Կենտրոնի ընտրողները բավական անհարմար վիճակում են հայտնվել։ Եվ որպեսզի վատամարդ չլինեն, կես կատակ կես լուրջ ասում են, որ իրենք ընտրելու են սնխչի Հարութին։
Լուսանկարը՝ Yelaket.am-ի