Facebook սոցիալական ցանցի հիմնադիր Մարկ Ցուկերբերգը պատմել է, որ այսուհետ ուտում է միայն այն կենդանու միսը, որն անձամբ է որսում: Այս մասին աշխարհի ամենամեծ սոցցանցի ղեկավարն ասել է Fortune ամսագրին:
«Այս տարի ես գործնականում բուսակեր եմ դարձել, քանի որ ուտում եմ միայն այն կենդանու միսը, որն անձամբ եմ սպանում: Շատ մարդիկ մոռանում են, որ ամեն անգամ, երբ միս են ուտում, դա նշանակում է կենդանի էակի սպանություն: Իմ նպատակն էր չմոռանալ այդ փաստը»,- ասել է Ցուկերբերգը:
Facebook-ը դրական է գնահատել այս փորձը, քանի որ հիմա նա ավելի շատ առողջ սնունդ է ուտում և կենդանիներ մեծացնելու ու խնամելու վերաբերյալ շատ բան է սովորել: Ցուկերբերգի առաջին զոհը դարձել է մի օմար, որին նա կենդանի-կենդանի եփել է: Նա ասել է, որ իր առաջին փորձը շատ դժվար է ստացվել:
Ցուկերբերգն այս քայլն անվանել է «անձնական մարտահրավեր»: Այսպիսի մարտահրավերներ նա պարբերաբար է առաջ քաշում իր կյանքում: Նա մասնավորապես նշել է, որ վերջերս սկսել է ուսումնասիրել չինարեն, քանի որ ոգեշնչվել է Չինաստան կատարած ուղևորությունից: