Ռուսաստանի և ՆԱՏՕ-ի միջև շփումների պահպանումը հատկապես կարևոր է լարվածության սրման շրջանում՝ Reuters-ի հետ զրույցում ասել է Հյուսիսատլանտյան դաշինքի գլխավոր քարտուղար Յենս Սթոլթենբերգը Վաշինգտոնում, որտեղ տեղի է ունեցել ԴԱԻՇ-ի դեմ պայքարող կոալիցիայի ներկայացուցիչների հանդիպումը։
«Երբ լարվածությունը բարձր է, էլ ավելի կարևոր է, որպեսզի մենք խոսենք միմյանց հետ և ուղիները բաց պահենք ռազմական և քաղաքական շփումների համար»,-ասել է նա։
Սթոլթենբերգը նաև հայտնել է, որ ՆԱՏՕ-ի ռազմական կոմիտեի ղեկավար Պյոտր Պավելը մարտի սկզբին հեռախոսազրույց է ունեցել Ռուսաստանի ԶՈւ գլխավոր շտաբի պետ Վալերի Գերասիմովի հետ։
Ավելի վաղ Սթոլթենբերգը հայտարարել էր, որ դաշինքը բաց է ՌԴ-ի հետ հարաբերությունների բարելավման համար։
