Իսրայելում գտել են ալկոհոլով լի հարյուրավոր շշեր, որոնք թողել են բրիտանացի զինվորականները Առաջին համաշխարհային պատերազմի ժամանակ: Այդ մասին հայտնում է The Telegraph-ը:
Շշերը գտել են տեղի հնագետները, որոնք պեղումներ են կատարել Ռամլա քաղաքի մոտ: Հողից հանվել են ջինի, գինու, գարեջրի և այլ սպիրտային խմիչքների հարյուրավոր շշեր: Այդ ալկոհոլը օգտագործել են բրիտանական զորքերը Երուսաղեմի գրավման առաքելության ժամանակ 1917 թվականին:
Սպիրտային խմիչքներից բացի, գիտնականները գտել են ատամի խոզանակներ, զինվորական համազգեստի կոճակներ, սափրվելու պարագաներ:
Բացառված չէ, որ գտածոները կցուցադրվեն Իսրայելում կամ Մեծ Բրիտանիայում:
