Թուրքիայի Զինված ուժերն ինտենսիվ հրետակոծության են ենթարկում Սիրիյաի Աֆրին քրդաբնակ շրջանը: Այս մասին հաղորդում է Reuters գործակալությունը՝ վկայակոչելով Սիրիայի տարածքում գործող քրդական ազգային ինքնապաշտպանության ջոկատների (YPG) հրամանատարության հայտարարությունը:
YPG-ի խոսնակը գործակալությանը հայտնել է, որ թուրքական զինուժն այսօր առավոտյան ժամը 8.00-ից հրետանակոծության է ենթարկում Աֆրինը, որի հետևանքով կան վիրավորներ:
«Այս շրջանում մեր ուժերի կողմից ցանկացած գործողություն պետք է դիտարկել որպես ինքնապաշտպանություն»,-հավելել է նա:
