Եվրոպական երկրները պետք է հարգեն մարդու իրավունքները, հակառակ դեպքում չեն կարող «գեթ մի քայլ անել» աշխարհում: Ինչպես հաղորդում են թուրքական ԶԼՄ-ները, այս մասին Էրդողանը հայտարարել Անկարայում լրագրողների հետ հանդիպմանը:
«Եվս մեկ անգամ դիմում եմ եվրոպացիներին. Թուրքիան այն երկիրը չէ, որի նախարարներին կարելի է հրել և դռներ փակել նրանց առաջ: Ամբողջ աշխարհը տեսնում է այդ գործողությունները: Եթե դուք շարունակեք նման կերպ վարվել, արևմտյան երկրի ոչ մի բնակիչ չի կարողանա քայլ կատարել աշխարհում: Ուստի, մենք՝ Թուրքիան, Եվրոպային կոչ ենք անում հարգել իրավունքները և ազատությունները»,-ասել է Էրդողանը:
Ավելի վաղ նա հայտարարել է, որ նախագահական լիազորությունների ընդլայնման վերաբերյալ հանրաքվեից հետո իր Թուրքիան կարող է վերանայել հարաբերությունները «ֆաշիստական և դաժան» Եվրոպայի հետ։