ԴԱԻՇ-ի դեմ պայքարող ԱՄՆ-ի գլխավորած կոալիցիայի մասնակից-երկրների նախարարական հանդիպումը, ինչպես սպասվում է, կբացվի այսօր Վաշինգտոնում՝ 68 պետությունների ներկայացուցիչների մասնակցությամբ։ Այս մասին հայտնում է Interfax-ը։
Ավելի վաղ Պետդեպի պաշտոնական ներկայացուցչի պաշտոնակատար Մարկ Թոները հայտնել էր, որ հանդիպումը կնախագահի ԱՄՆ պետքարտուղար Ռեքս Թիլերսոնը։
Դա կդառնա լիակազմ առաջին հանդիպումը՝ սկսած 2014 թվականի դեկտեմբերից։
Ռուսաստանը հանդիպմանը չի մասնակցի, քանի որ չի հանդիսանում կոալիցիայի անդամ։
«Մենք գտնվում ենք ԴԱԻՇ-ի դեմ պայքարի կարևոր փուլում և կօգտվենք այդ նախարարական հանդիպումից ԴԱԻՇ-ի ջախջախման միջազգային ջանքերի ընդլայնման համար»,-ասել է Թոները։
Նրա խոսքով՝ նախարարական հանդիպման ընթացքում կկայանա մանրամասն քննարկում կոալիցիայի առաջնահերթ գործողությունների, ինչպես նաև Իրաքի և Սիրիայի մարդասիրական ճգնաժամերի շուրջ։
