Ռուսաստանի Ստրունինո քաղաքի «Էրիկ» մթերային խանութի սեփականատեր Մամուդ Շավերշյանն ամեն ամիս թոշակառուներին, կարիքավորներին և բազմազավակ ընտանիքներին անվճար հացի տասական կտրոն է բաժանում: Ինչպես գրում է kommersant-ը, գնորդները դատախազություն, նախագահի աշխատակազմ հայց են ներկայացրել Շավերշյանի դեմ այս քայլի համար:
Խանութի սեփականատերի խոսքով՝ սկզբում անվճար հացի համար դիմել են միայն թոշակառուները, այնուհետև նրանց միացել են շատ երեխաներ ունեցող ընտանիքները, կարիքավորները, ոմանք նույնիսկ եկել են հարևան գյուղերից:
Քաղաքի որոշ բնակիչներ դժգոհ են ձեռնարկատերի այս գործողություններից. նրանք կարծում են, որ Շավերշյանը հացի անհրաժեշտ խմբաքանակ չի բաժանում:
«Մինչև հիմա ոչ բոլոր քաղաքացիներն են հասկանում՝ ով և ինչու է այդպես անում: Մի քանի տարբերակներ կան. ոմանք վստահ են, որ անվճար հաց բաժանելու հրահանգ տվել է անձամբ Պուտինը, ոմանք կարծում են, որ քաղաքապետն է ջանացել, ոմանք էլ շնորհակալական նամակներ են գրում նահանգապետին: Ոչ բոլորը գիտեն, որ ամսական անվճար շուրջ 3000 հաց բաժանում է մի մարդ՝ Մամուդ Շավերշյանը»,-գրում Kommersant-ը:
Բացի հացի կտրոններից գործարարը անվճար թխվածքաբլիթներ է տալիս նաև հարևան մանկապարտեզին, մինչ օրս դրամական օգնություն է ցուցաբերում Հայաստանում գտնվող դպրոցին, որտեղ սովորել է: «Այս մարդկանց երբեք ոչ մեկ չի օգնել, այդ պատճառով չեն հավատում և բարկանում են: Բայց մենք հանուն նրանց շնորհակալության նման բան չենք անում, թող բղավեն, թող»,-ասել է Շավերշյանը:
