«Հրապարակ» թերթը գրում է. «Ի տարբերություն նախորդ ընտրությունների, այս մի ընտրություններին Սերժ Սարգսյանն անչափ երկար ժամանակ է անցկացնում ՀՀԿ շտաբում, տուն է գնում շատ ուշ: ՀՀԿ դե ֆակտո շտաբի ղեկավարը շաբաթ վաղ առավոտյան եղբորը` Սաշիկ Սարգսյանին «Նաիրի» կենտրոնում այցելելուց հետո (վերջինս լեղապարկի լապարոսկոպիկ վիրահատության է ենթարկվել «Նաիրի» ԲԿ-ում) ողջ օրն անցկացրել է շտաբում, «կոնտրոլի» տակ պահել թե բուն ռեյտինգայինների, թե երկրորդ էշելոնի «ցուցանիշները»:
Մտահոգություն չունե՞ք, որ «հաց բերողով» իրավիճակը հնարավոր է կտրուկ փոխվի, ֆորսմաժոր տեղի ունենա՝ հարցրինք ՀՀԿ շտաբի մեր զրուցակից ԳՄ ներկայացուցչին: «Ոչ, ցանկացողներ կլինեն, սակայն թույլ տվող չի լինի, դա երկրի շահերից չի բխում, գեոքաղաքական ռասկլադն էլ դրա համար «բարենպաստ» չէ»:
Մեր տեղեկություններով, վերջին ԳՄ նիստում Սերժ Սարգսյանն առաձնապես չի անդրադարձել ռուսաստանյան իր այցին, Պուտինի հետ հանդիպմանը։ «Նախ` անդրադարձ եղել է, այցը գնահատվել է խիստ ջերմ, նախագահը հարկ համարեց ասել նաև, որ Ղարաբաղի հարցով որևէ նոր բան, որևէ նոր առաջարկ չկա այս պահին, և ապա՝ նախընտրական փուլ է, ներքին հարցերի քննարկումներն ավելի երկար են տևում, այդ իսկ պատճառով այցերի վրա շատ չենք ծանրանում»:
Մանրամասները՝ թերթի այսօրվա համարում