Թուրքական ոստիկանությունը Ստամբուլի Աթաթուրքի անվան օդանավակայանում ձերբակալել է Գերմանիայի 3 քաղաքացիների՝ հայտնում է trend.az-ը :
Ձերբակալվածները կասկածվում են 2016-ի դեկտեմբերի 19-ին Բեռլինում կատարված ահաբեկչության կազմակերպման մեջ:
Հիշեցնենք, որ Բեռլինի կենտրոնում իրականացված ահաբեկչության հետևանքով 12 մարդ զոհվել, 40-ը վիրավորվել էր:
Ահաբեկչությունն ուղղակիորեն իրականացվել էր թունիսցի 24-ամյա Անիս Ամրիի կողմից, ով հետագայում Միլանում ոստիկանության հետ փոխհրաձգության հետևանքով սպանվել է:
Ամրիի հեռախոսում հայտնաբերվել էր 5 անուն, որոնք ենթադրաբար մեղսակից էին ահաբեկչության կազմակերպմանը:
Գերմանական ոստիկանությունը պարզել էր, որ կասկածյալներից 4-ը թաքնվում են Թուրքիայում:
