Լուրեր
Երկրի այս վիճակի համար միայն իշխանությունը չէ մեղավոր. Շահեն Հարությունյան
  • 19:03
  • 2017-03-20
  • Դիտումներ՝ *

Ազատության հրապարակում մեկնարկել է հանրահավաքը՝ ի հիշատակ «Հաց բերողի»: Նախատեսվում է նար երթ:

Երթից առաջ ելույթ է ունեցել քաղքացիական ակտիվիստ Շահեն Հարությունյանը: Նա հայտարարել է, թե Հայաստանի կառավարությունը ստեղծեց մի իրավիճակ և փաստացի հազարավոր ցուցարարների անտեսեց:

Նա նշել է, թե «Հաց բերողին» «Եռաբլուր» պանթեոնում հուղարկավորելու պայքարի համար, ցավոք, համապատասխան կամք չդրսևորվեց: Նա տեղեկացրեց, որ Հաց բերող» Արթուր Սարգսյանի հոգեհանգիստը տեղի կունենա երեքշաբթի, մարտի 21-ին, ժամը 18-ին Շահումյանի գերեզմանատանը հարակից «Սան Լազար» սգո սրահում:

Շահեն Հարությունյանը հավաքվածներին տեղեկացրեց. «Վաղը ժամը 3-ին կհավաքվենք Մարզահամերգային համալիրի դիմաց և  խաղաղ ու լուռ երթով կգնանք դեպի սգո սրահ»:

Ակտիվիստը նաև անդրադարձավ իրենց քննադատողներին, որոնց կարծիքով՝ իրենք պարապ-սարրապ երիտասարդներ են և ընդգծեց. «Երկրի այս վիճակի համար միայն իշխանությունը չէ մեղավոր, այսպես մտածող հասարակությունն էլ է մեղավոր»:

Մանրամասները՝ տեսանյութում:

  • Դիտումներ՝ *