Դոնեցկի և Լուգանսկի ինքնահռչակ ժողովրդական հանրապետությունների անձնագրերի տերերի համար Ռուսաստանում գործում են միգրացիոն նույն կանոնները, ինչ և Ուկրաինայի քաղաքացիների համար, հաղորդում է «Նոր իզվեստիա»-ն:
Ինչպես գրում է պարբերալանը, այս տեղեկատվությունը ռուսական ԶԼՄ-ներից մեկին հաստատել են Պետդումայի աղբյուրներ, ՆԳ նախարարության միգրացիոն վարչության աշխատողը, նախագահին առընթեր մարդու իրավունքների խորհրդի անդամը և ԼԺՀ-ի ներկայացուցիչը: «Մենք զարմանքով իմացանք, որ ԴԺՀ-իև ԼԺՀ-ի բնակիչները պետք Է մեկնեն յուրաքանչյուր 90 օրից հետո: Մարդիկ այդ մասին չգիտեին»,-«Նոր իզվեստիա»-ն մեջբերում Է խորհրդարանի ստորին պալատի անդամի խոսքը:
Մարդու իրավունքների խորհրդում միգրացիոն քաղաքականության հանձնաժողովի ղեկավար Եվգենի Բոբրովը նույնպես հավաստել Է, որ Դոնբասի ինքնահռչակ հանրապետությունների բնակիչները Ռուսաստանում նույն կարգավիճակն ունեն, ինչ և Ուկրաինայի քաղաքացիները:
Դրա հետ մեկտեղ աշխարհազորի ներկայացուցիչ Ալեքսանդր Ժուչկովսկին նշել Է, որ ԴԺՀ-ի և ԼԺՀ-ի անձնագրերի տերերը ՌԴ մուտք գործելիս միգրացիոն քարտեր չեն լրացնում:
Մարտի 17-ին ԵԱՀԿ-ին առընթեր Ռուսաստանի մշտական ներկայացուցիչ Ալեքսանդր Լուկաշևիչը պարզաբանել Է, որ Մոսկվան կարող Է չեղարկել ԴԺՀ-ի և ԼԺՀ-ի փաստաթղթերի ճանաչման որոշումը, եթե Կիեևը կատարի Մինսկի համաձայնությունները: