Խորհրդարանական ընտրությունների հետ կապված՝ գյումրեցին ոչ մի սպասելիք չունի քաղաքական որևէ ուժից: «Առաջին լրատվական»-ի հետ զրույցում այս մասին ասաց քաղաքագետ Գագիկ Համբարյանը՝ հավելելով, որ Գյումրին ունի բազմաթիվ խնդիրներ, համարվում է հանրապետության ամենաաղքատ քաղաքը, ամենաշատ արտագաղթը այնտեղից է, իսկ քաղաքական ուժերից ոչ մեկը կոնկրետ Գյումրիի վերաբերյալ ծրագիր չի ներկայացրել:
Ընտրական այս նոր համակարգը, որ ներկայացվում էր որպես համամասնական ընտրակարգ, քաղաքագետի կարծիքով՝ ավելի գլոբալացված և ավելի այլանդակված մեծամասնական համակարգ է: Նրա խոսքով՝ բնակչությունը ընտրում է ոչ թե որևէ քաղաքական ուժի, այլ ձայնը տալիս է անձանց և մեխանիկորեն՝ նրանց թիկունքում կանգնած քաղաքական ուժերին:
Անդրադառնալով նախընտրական ինտրիգներին՝ քաղաքագետն ընդգծեց, որ Սերժ Սարգսյանի համար բախումները միևնույն են. «Նրան հետաքրքրում է երկու հանգամանք՝ առաջինը՝ փորձում է հնարավորինս շատ էլիտայի ներկայացուցիչներ ներգրավել այս գործընթացի մեջ՝ ապահովելու ձայներ իր հարազատ ՀՀԿ-ի համար, երկրորդ՝ փորձում է ճշտել, թե իրականում որ քաղաքական գործիչը որքան ձայն կարող է բերել ՀՀԿ-ի համար»:
«Իրավիճակը կարող է դուրս գալ գծած սահմաններից, եթե իշխանությունները շարունակեն աչք փակել զարհուրելի հանցագործությունների առաջ, որոնք գործում են ՀՀԿ ներկայացուցիչները, ինչպես Ջրառատում»,- նշեց քաղաքագետը:
Մանրամասները՝ տեսանյութում: