ԱՄՆ նախագահ Դոնալդ Թրամփը հայտարարել է, որ Հյուսիսային Կորեայի առաջնորդ Կիմ Չեն Ինի գործողությունները հանդիսանում են «շատ վատը»՝ հայտնում է Reuters գործակալությունը։
Թրամփը զրուցել է լրագրողների հետ՝ վերադառնալով իր Մար-ա-Լագո նստավայրից։ Նա քննադատության է ենթարկել հյուսիսկորեացի առաջնորդին՝ ասելով, որ նա «գործում է շատ-շատ վատ»։
Թրամփի խոսքով՝ իր վարչակազմի ներկայացուցիչները հանգստյան օրերին կայացած հանդիպման ընթացքում, ի թիվս այլ հարցերի, քննարկել են նաև հյուսիսկորեական խնդիրը։
Երեկ հաղորդվել էր, որ Հյուսիսային Կորեան նոր՝ շատ հզոր հրթիռային շարժիչ է փորձարկել։