ԱՄՆ նախագահ Դոնալդ Թրամփի գործունեությանը քաղաքացիների գոհունակության վարկանիշը նվազել է՝ հասնելով նրա պաշտոնավարման ընթացքում ռեկորդային ցածր մակարդակի։ Այս մասին են վկայում Gallup ինստիտուտի վերջին տվյալները՝ փոխանցում է BBC-ն։
ԱՄՆ մեծահասակ բնակչության կողմից Թրամփի աջակցության վարկանիշը հասել է 37 տոկոսի, մինչդեռ 58 տոկոսը դժգոհությամբ է արտահայտվել նրա գործունեության վերաբերյալ։
Դեռևս մեկ շաբաթ առաջ ԱՄՆ նախագահի վարկանիշը կազմել է 45 տոկոս։
Ինստիտուտի հարցմանը մասնակցել է 1500 չափահաս ամերիկացի։
Պաշտոնավարման սկզբում նրա կողմնակիցների և հակառակորդների բանակը կիսված էր հավասար (45-ական տոկոս), որից հետո աճ էր արձանագրվել։
Փորձագետները կարծում են, որ Սպիտակ տան ղեկավարի վարկանիշի անկման վրա ազդել են նրա արտահայտությունները գլոբալ տաքացման վերաբերյալ, ինչպես նաև Վլադիմիր Պուտինի հասցեին նրա գովասանքի խոսքերը և պնդումներն այն մասին, որ Բարաք Օբաման արտոնել է նյույորքյան «Թրամփ թաուերում» գտնվող իր շտաբ-բնակարանի գաղտնալսում։