Թուրքիայի նախագահ Ռեջեփ Թայիփ Էրդողանը Die Welt-ի ձերբակալված թղթակից Դենիզ Յուջելին անվանել է ահաբեկիչների գործակալ՝ հավելելով. «Փառք Աստծո, մենք նրան ձերբակալեցինք»։ Այս մասին Էրդողանը հայտարարել է Ստամբուլում Իսլամական հիմնադրամի հանդիպմանը՝ փոխանցում է Reuters գործակալությունը։
Թուրքիայի նախագահը նշել է, որ Յուջելը կկանգնի անկախ թուրքական դատարանի առջև։
Լրագրողը ձերբակալվել է 2017 թվականի փետրվարին։ Նրան մեղադրում են PKK-ին աջակցելու, ինչպես նաև ծայրահեղականության քարոզման համար։
43-ամյա լրագրողը հանդիսանում է Գերմանիայի և Թուրքիայի քաղաքացի։