«Պարոն վարչապետ, մեզ հասկանալի է և ողջունելի է ձեր վերաբերմունքը Հայաստանի տնտեսության ոլորտի զարգացման վերաբերյալ: Փոփոխությունները, որ դուք նախատեսում եք, շատ կարևոր են: Գյուղատնտեսությունը տնտեսության կարևոր ճյուղերից մեկն է, և ինչպես դուք հաճախ նշում եք, պետք է գյուղատնտեսական արտադրությանը վերաբերվել որպես բիզնես միավորի, տալ նրան այդպիսի ընթացք:
Ես հարց եմ ուզում հղել, ակնկալելով դրական արձագանք: Պետական աջակցման ծրագրերը, որոնք ուղղված են գյուղատնտեսության զրագացմանը, հատկացվում են ազգաբնակչությանը, ըստ անձերի, և կրում են սոցիալական բնույթ, չեմ առարկում, որ դա կարևոր է, բայց ըստ իս, ավելի ճիշտ կլիներ, որ հատկացումները կատարվեին ըստ հողատեսքերի, ըստ անասնագլխաքանակի կամ ըստ առկա գյուղատնտեսական տեխնիկայի… Մեր շրջանում կաթնային արտադրությունը ահռլելի զարգացման հնարավորություն ունի, որը հնարավոր է միայն պետության և մարդկային ռեսուրսների ճիշտ օգտագործմամբ՝ ինչը ակնկալում ենք ձեր աշխատանքի ընթացքում առաջիկա տարիներին»,- վարչապետ Կարեն Կարապետյանին այս հարցն ուղղեց Տաշիրի բնակիչը:
«Այ, ինձ էս խոսակցությունն ա պետք,- տաշիրցու հարցը ոգևորեց վարչապետին:
Մանրամասները՝ տեսանյութում: