ՀՀ վարչապետ Կարեն Կարապետյանն այսօրնախընտրական քարոզարշավի շրջանակներում Լոռու մարզում է:
Ստեփանավան քաղաքում բնակիչներից մեկը նշեց, որ երկրաշարժից հետո իրենց փոքր փայտաշեն ապրելու տեղ են տվել և մինչ օրս այլ բնականարան չեն ստացել, և հավելեց, որ հույսեր է կապում վարչապետի հետ :
Ի պատասխան վարչապետը նախ հարցրեց, թե արդյոք բնակիչը ծանոթ է իրենց համայնքի հինգ տարվա զարգացման ծրագրին և շարունակեց.
«Էսօր մի քանի անգամ ասել եմ, իմ գործընկերներն էլ, որ հետս են, սկի էլ վրես էլ չեն նայում, էնքան են լսել, անգիր գիտեն, համնենայն դեպս, մի հատ էլ լսեք, ինչ կլինի որ»,- վարչապետի այս խոսքը զվարճացրեց Արփինե Հովհաննիսյանին ու Արմեն Ամիրյանին:
«Ես այս պահին կոնկրետ ժամկետ, թե երբ Ձեր հարցը կլուծվի, պատրաստ չեմ ասելու: Եվս մեկ անգամ ուզում եմ ասել, որ մեր երկիրը զարգանալու է, գնալու է ճիշտ ուղղությամբ… Երևանում խելոք մարդ չկա, որ ավելի լավա պատկերացնում՝ Ստեփանավանի վաղվա օրը ինչպես պետք է լինի: Այլ հարց է, որ Երևանի խելոք մարդիկ Ստեփանավանից եկած առաջարկին կարողա մի քիչ սանրեն, բանտիկ կապեն, ֆեն անեն»,- նշեց վարչապետը՝ արձագանքելով բնակչուհու հարցին: