Ակտիվիստ Շահեն Հարությունյանը, անդրադառնալով ՀՀ պաշտպանության նախարար Վիգեն Սարգսյանի հայտարարությանը՝ «Հաց բերող» Արթուր Սարգսյանին «Եռաբլուր» պանթեոնում հուղարկավորելու պահանջի վերաբերյալ, նշեց. «Վազգեն Սարգսյանին երբ որ սպանել են Հոկտեմբերի 27-ին, այն ժամանակ նա վարչապետ էր, հուղարկավորվել է պանթեոնում է… Արթուր Սարգսյանն էլ է մասնակցել Արցախյան ազատամարտին, իրենց հատուկ ջոկատով սահմանի մի հատված են պահել…»
Հիշեցնենք՝ ՀՀ պաշտպանության նախարար Վիգեն Սարգսյանն՝ այսօր անդրադառնալով «Հաց բերող» Արթուր Սարգսյանին Եռաբլուր պանթեոնում հուղարկավորելու վերաբերյալ պահանջին, հայտարարել է. «Եռաբլուրը» զինվորական պանթեոն է, այնտեղ հանգչում են մարդիկ, ովքեր զոհվել են մարտական գործողությունների ժամանակ կամ ունեցել են բացառիկ ներդրում բանակաշինության գործում։ Այնտեղ չկան այլ հուղարկավորվածներ։ Որպես պաշտպանության նախարար՝ համարում եմ, որ չի կարելի «Եռաբլուրը» խառնել որևէ այլ թեմայի հետ, անկախ նրանից, թե ինչ հանգամանքեր կան։ Հատկապես երբ կա հարցի քաղաքական բնույթ՝ «Եռաբլուրը» չպետք է քաղաքականացվի»: