Հայաստանի ԱԻՆ-ում, այսօր՝ մարտի 19-ին, ժամը 09:23-ին ահազանգ է ստացվել, որ Սիսիան-«Զանգեր» ավտոճանապարհին` Շաքի գյուղի մոտակայքում, տեղի է ունեցել ավտվթար. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ Մ-2 ավտոճանապարհի Սիսիան-Երևան հատվածի 9-րդ կմ-ին «Toyota Camry» մակնիշի 50 VO 007 համարանիշով ավտոմեքենան դուրս է եկել ավտոճանապարհի երթևեկելի հատվածից և մի քանի պտույտ գործելով, մոտ 200 մետր, շրջվել ձորը. կան 2 զոհ և 3 տուժած:
Ավտոմեքենայի ուղևորներ` 32-ամյա Վարթիթեր Գ.-ն (ԼՂՀ քաղաքացի) և 57-ամյա Արևիկ Թ.-ն տեղում մահացել են:
Փրկարարներն ավտոմեքենայից դուրս են բերել զոհերի դիերը, իսկ վարորդ՝ 35-ամյա Արմեն Մ.-ն, ուղևոր՝ 60-ամյա Վ. Մ.-ն և 36-ամյա Կ. Մ.-ն պատգարակով մոտեցրել են շտապօգնության ավտոմեքենաներին: Տուժածները հոսպիտալացվել են Սիսիան քաղաքի ԲԿ, որտեղ բժիշկները նրանց առողջական վիճակը գնահատել են ծայրահեղ ծանր:
Shamshyan.com-ի փոխանցմամբ, վթարի ենթարկվածները ընտանիքի անդամներ են եղել, մահացածներն են՝ վարորդի մայրը, նշանածը, իսկ վիրավորներն են վարորդի հայրն ու եղբայրը:
