Երևանում, այսօր՝ մարտի 19-ին, խոշոր ավտովթար է տեղի ունեցել. ժամը 07:10-ի սահմաններում Իսակովի պողոտայում՝ Ոստիկանության ակադեմիայի հարևանությամբ, Mercedes մակնիշի 77 ՕR 777 համարանիշի ավտոմեքենան (վարորդ՝ 36-ամյա Սեյրան Մ.) բախվել է «ՎԱԶ 2121» (Նիվա) մակնիշի 35 FՍ 609 համարանիշի (վարորդ՝ 24-ամյա Արթուր Կ.) ավտոմեքենային:
Shamshyan.com-ի փոխանցմամբ, վթարի հետևանքով Mercedes-ի ուղևորը մարմնական վնասվածքներով տեղափոխվել է Էրեբունի բժշկական կենտրոն: Բախման հետևանքով «Նիվան» կողաշրջվել է, իսկ Mercedes-ը դուրս է եկել երթևեկելի գոտուց և հայտնվել խոտածածկ տարածքում։
«Նիվա»-ի վարորդ Արթուր Կ.-ն ավտոմեքենան կայանած է թողել, քանի որ ավտոմեքենայի դիզվառելիքն է վերջացել և ըստ կարգի՝ միացրել է վթարային լուսարձակները և գնացել է, որպեսզի բենզին բերի՝ ավտոմեքենան լիցքավորելու համար ու այդ ժամանակ Mercedes-ը բախվել է «Նիվա»-ի հետնամասին, «Նիվան» կողաշրջվել է:
Mercedes-ի վարորդը «Գլորիա» տաքսի ծառայության սեփականատերերից է, իսկ «Նիվա»-ի վարորդը աշխատում է «Ինտերլոտո» ՍՊԸ-ում՝ որպես համակարգչային օպերատոր: