Սիրիական բանակի մարտիկները կիրակի հետ են մղել «Ջեբհաթ ան-Նուսրայի» գրոհայինների հարձակումը իրենց դիրքերի վրա Դամասկոսի արևելյան Ջոբար թաղամասում: SANA գործակալության հաղորդմամբ՝ ահաբեկիչները ստորգետնյա հաղորդակցություններ են կիրառել հանկարծակի գրոհի համար:
Նրանք նաև փորձել են 2 ականպատ ավտոմեքենա պայթեցնել տեքստիլ ֆաբրիկայի շրջանում կառավարական ուժերի բլոկպոստերի մոտ: Սիրիացի զինծառայողները նրանց ժամանակին նկատել և ոչնչացրել են:
Ականատեսների վկայությամբ՝ վաղ առավոտից մայրաքաղաքի արևելյան ծայրամասից մինչև Դամասկոսի կենտրոն պայթյունների որտոներ են լսվում: Զորքերը թշնամուն հետապնդում են Ջոբարում և Քաբուն արդյունաբերական գոտում՝ նրան կորուստներ պատճառելով: Գրոհայինները գնդակոծել են սիրիական բանակի պաշտպանության տակ գտնվող բնակելի թաղամասերը: Խաղաղ բնակիչների շրջանում տուժածների մասին տեղեկություն դեռ չի ստացվել: