Լուրեր
Սփյուռքը ուզում է գործել, ոչ թե պայքարել

Հայաստանյան ներքաղաքական զարգացումների շուրջ «Առաջին լրատվական»- ի հետ զրույցում  Depop կառավարման ինստիտուտի գործադիր տնօրեն Սարգիս Շահինյանը ներկայացրեց իր դիտարկումները:

«Փորձում ենք հասկանալ, թե Հայաստանի հասարակության իրազեկումն ինչ մակարդակի է հասել և ցանկություն ունենք քաղաքական մշակույթի մեջ նոր մասնակցություն բերել:

Սկզբում նկատելի էին  առողջ մոտեցումներ, սակայն դրանք քաղաքական մթնոլորտի մեջ կամաց-կամաց իրենց բուն գույնը ստացան, այսինքն՝ իրականությունն այլ պատկեր ստացավ, և սա մտահոգիչ է»,- նշեց Ս. Շահինյանը:

Անդրադառնալով Արմավիրի մարզի Ջրառատ գյուղում նախընտրական քարոզչության ընթացքում տեղի ունեցած միջադեպին՝  Սարգիս Շահինյանը նշեց, որ այն բավականին մտահոգիչ է մի քանի հանգրվանով. «Գինու մեջ ջուր խառնվեց, երբ որ ասվեց՝ հետո մենք բարիշեցինք… Այստեղ երկու կարևոր կետ կա, առաջին՝ իրավական դաշտը չկարողացավ իր գործն անել. մենք այստեղ գործ ունենք քրեական ոճիրի հետ, իսկ իրավապահ մարմինները չկարողացան ընթացք տալ, ինչը շատ ծանր խախտում է: Երկրորդ՝ ակնհայտ է, որ տարբեր մակարդակի բռնության ուժեր են գործում, որը ևս մտահոգիչ է»:

«Սփյուռքի և Հայաստանի հայերի տեսլականը որն է. հասկանալ թե ինչ է մեզ պակասում, չենք կարողանում ձերբազատվել քաղաքական նախապաշարումներից»,- ընդգծեց Շահինյանը:

Նրա խոսքով՝ 6 ամսվա կամ մեկ տարվա ընթացքում հնարավոր չի լինի այս ամենը փոխել, բայց հնարավոր է որոշ չափով նոր մոտեցում սերմանել՝ նոր քաղաքական մշակույթ ձևավորելու նպատակով:

Մանրամասները՝ տեսանյութում:

  • Դիտումներ՝ *