«Ելք» դաշինքն այսօր` մարտի 19-ին, քարոզարշավ է իրականացնում Արմավիրի մարզում, որին մասնակցում են դաշինքի ցուցակի առաջին երեք հորիզոնականը զբաղեցնող թեկնածուներ Էդմոն Մարուքյանը, Արամ Սարգսյանը եւ Նիկոլ Փաշինյանը:
Արամ Սարգսյանն կոչ արեց ընտրողներին անպայման գնալ ընտրության եւ կատարել իրենց ընտրությունը. «Ժողովուրդ, պարտադիր մասնակցեք ընտրության, սա մեր հորդորն է, մեր խնդրանքը, որովհետեւ, եթե չեք ընտրում դուք` ձեր փոխարեն ընտրում են ուրիշները:
Եթե հոգնել եք բոլորից, եթե չեք ուզում կարդալ ծրագրերը, ապա նայեք դաշինքները, կուսակցությունները ներկայացնող մարդկանց:
Այս երկրում բազմաթիվ իրողություններ են տեղի ունեցել, նայեք, տեսեք, թե այդ մարդիկ որտեղ են եղել 1999-ի Հոկտեմբերի 27-ին, ի՞նչ արեցին այդ ուժերը դրանից հետո, ասացին` կբացահայտե՞ն, թե՞ կփակեն գործը… ի՞նչ են ասում այդ ուժերը հիմա` ապրիլյան պատերազմից հետո:
Կասեք` տարին մեկ անգամ գալիս ասում են իրենց ասելիքը, գնում են, բայց մենք միշտ ձեզ հետ ենք եղել` գազ, լույս են բարձրացրել, եղել ենք ձեզ հետ: Մեզ չի լինի համեմատել ուրիշների հետ, նայեք մեզ, նայեք մյուսներին և ձեր ընտրությունն արեք»:
Մանրամասները՝ տեսանյութում:
