Իրենց երկիրն աշխարհում ամենաազդեցիկներից մեկը համարող ռուսների թիվը հասել է պատմական առավելագույնի: Այս մասին հայտնում է mignews.com-ը՝ վկայակոչելով Հասարակական կարծիքի ուսումնասիրման համառուսական կենտրոնի հարցման արդյունքները:
Հարցման տվյալներով՝ այդ կարծիքի է ռուսների 86%-ը: Անցած տարի այդ ցուցանիշը կազմել է 75%: Միաժամանակ, թերահավատների թիվն անցած տարվա 18%-ից նվազել է մինչև 10%:
Եթե 2014 թ. 54%-ը նշել է, որ երկիրն առաջատար պետություններից մեկը կդառնա առաջիկա 15-20 տարում, ապա հիմա հարցվածների 57%-ը կարծում է, որ ՌԴ-ն արդեն դրանց թվում է: Մասնակիցների 31%-ը կարծիք է հայտնել, որ դա տեղի կունենա մի քանի տասնամյակում: Այդ կարծիքին համամիտ չէ 10%-ը:
Հարցումը ցույց է տվել նաև ռազմական սպառնալիքի զգացումի աստիճանական նվազում: Այսպես, 54%-ը բոլորովին այդպիսի վտանգ չի զգում: Միաժամանակ, հարցվածների 42%-ը ագրեսիայի պոտենցիալ աղբյուր համարում է ԱՄՆ-ին և Ուկրաինային:
