Նախընտրական քարոզարշավի ընթացքում արդեն իսկ եղել են թերացումներ և խախտումներ: ԹԻՀԿ գործադիր տնօրեն Վարուժան Հոկտանյանը «Առաջին լրատվական»- ի հետ զրույցում նշեց, որ «Թրանսփերենսի ինթերնեյշնլ հակակոռուպցիոն կենտրոն»- ը խախտումներն արձանագրում է երկու մեթոդաբանությամբ՝ առաջին՝ արձանագրվում է այն, ինչ լրատվամիջոցներում հրապարակվում է, և երկրորդ՝ օրենսդրական և կարգավորիչ ռեսուրսների չարաշահման հետ կապված՝ վերլուծություն է արվում:
Անդրադառնալով դիտարկմանը, որ Գագիկ Ծառուկյանը և Առաքել Մովսիսյանը նյութական աջակցություն են առաջարկում և ցուցաբերում ընտրողներին, և ԿԸՀ-ն երկուսի դեպքում էլ ահազանգել է, Հոկտանյանը նշեց, որ Կենտրոնական ընտրական հանձնաժողովի կողմից այս նախընտրական քարոզարշավի ընթացքում խախտումներ արձանագրելն աննախադեպ էր:
«Առաջին անգամ է ԿԸՀ-ն արձանագրում խախտումներ, բայց պետք է հետևողական լինել», – ընդգծեց Հոկտանյանը՝ հավելելով, որ դա ոչ այնքան ԿՀԸ-ի և նրա ղեկավար Տիգրան Մուկուչյանի պարտականությունն է, որքան իրավապահ մարմինների, քանի որ դեպքերը մեծ թիվ են կազմում:
Մանրամասները՝ տեսանյութում:
