Ռուս քաղաքական և հասարակական գործիչ, գործարար, Գերման Ստերլիգովը նորից հայտարարել է, որ Արցախը պատմական Հայաստանի մաս է, իսկ Բաքուն չի տեսնի իր արտահանձնումը ռուսական կողմից:
Իր ֆեյսբուքյան էջում նա գրել է.
«Նախագահ Ալիևն իմ արյանն է ծարավի: Ինչպես ասում էր Վլադիմիր Պուտինը՝ «դու զայրանում ես, նշանակում է՝ դու ճիշտ չես»:
Այսօր ինձ հայտնեցին, որ Ադրբեջանի գլխավոր դատախազը նորից ռուսական իշխանություններից պահանջում է քրեական գործ հարուցել և ինձ Բաքվին արտահանձնել: Այդ ամենն այն պատճառով է, որ ես բարձրաձայն և փաստարկված պնդում էի, որ Արցախը (Լեռնային Ղարաբաղ) ի սկզբանե հայկական հողեր են: Եվ այդ թեմայով իմ հարցազրույցները կարդացել ու դիտել են հարյուր միլիոնավոր մարդիկ աշխարհի շատ երկրներում: Ուստի երևում է՝ Ալիևը ցանկանում է ինձ ստանալ իր մոտ և ցուցադրաբար մանր կտորների կտրտել:
Պետք է վշտացնեմ պարոն Ալիևին և նրա ընկերներին՝ Ռուսաստանից արտահանձնում չկա: Մեզ մոտ այստեղ Պուտինն է, ոչ թե Լուկաշենկոն: Եվ Ռուսաստանը բանանային հանրապետություն չէ, այլ միապետությունից հինգ պակաս: Բայց իմ դեպքում բանը նույնիսկ դա չէ: Բանն այն է, որ իմ Պարոնը՝ իմ Հայրը և տերը Հիսուս Քրիստոսն է՝ երկնքի և երկրի Արարիչը, արքաների Արքան և տերերի Տերը, դարերով փառք Նրան: Իսկ ես Նրա ստրուկն եմ: Ամենախղճուկը, մեղավորը և վերջինը, բայց Նրա ստրուկը: Իսկ Նա մեզ՝ իր ստրուկներին խոսացել է, որ մի մազ չի ընկնի մեր գլխից առանց Նրա կամքի: Այնպես, որ Ալիևին իմ արտահանձնման հետ կապված պետք է դիմել ոչ այնքան Պուտինին, որքան Հիսուս Քրիստոսին, այլապես ստացվում է դիմում ոչ ճիշտ հասցեով:
Ընդհանրապես ես շնորհակալ եմ Ալիևին և նրա դատախազին, որ նրանք ինձ հիշեցրին «վիճելի տարածքի» խնդրի մասին: Արդեն մեկուկես տարի հանդես չեմ եկել այդ հարցով: Եկեք այդ մասին խոսենք:
Այն բանից հետո, ինչ իմ պնդումների պատճառով, որ դրանք հայկական հողեր են, Ադրբեջանը ներառեց բոլոր հնարավոր միջազգային հետախուզություններում, ես որոշեցի մանրամասնորեն հետաքննել այդ պատմական հարցը՝ այնուամենայնիվ, ումն է Լեռնային Ղարաբաղի հողը, գուցե ես սխալվում եմ, գուցե հայկական չէ: Շատ տարեգրքեր են թերթվել, շատ տաբեր հետազոտություններ են կարդացվել, ուսումնասիրվել են հին աշխարհագրական քարտեզներ և այլ երկրների թագավորների, արքաների ու կայրսերի դիվանագիտական նամակագրություններ:
Սլոբոդայում նույնիսկ ռուս-ադրբեջանա-հայկական կլոր սեղան է անցկացվել հարցի շուրջ, թե դա ում հողն է: Հրավիրվել է նաև Ադրբեջանի դեսպանը: Եվ ահա այդ թեմայի հատուկ ուսումնասիրության մոտ 2 տարի անց մենք վստահաբար միանշանակ եզրակացություն ենք անում՝ ԱՐՑԱԽԸ ՊԱՏՄԱԿԱՆ ՀԱՅԱՍՏԱՆՆ Է:
Իսկ ինչ վերաբերում է Ադրբեջանին, այն դեռևս 100 տարի առաջ ընդհանրապես գոյություն չուներ: Ուստի նրան պատմական հետահայացում ընդահնրապես ոչինչ չի կարող պատկանել: Այնտեղ ապրել են հրաշալի հին ժողովուրդներ, որոնք հիմա էլ այնտեղ ապրում են, բայց տուրք են վճարում Բաքվին: Այսպես ժամանակին կազմակերպել են Լև Տրոցկին և նրա տերեր Ռոտշիլդները:
Ադրբեջանցիներն ասում են, որ Ղարաբաղում շատ ադրբեջանցիներ են ապրել: Նույն կերպ Մոսկվայում և Մերձմոսկվայում շատ ադրբեջանցիներ են ապրում՝ ավելի շատ քան ապրել են Ղարաբաղում: Բայց դա չի նշանակում, որ Մոսկվան և Մերձմոսկվան ադրբեջանական հողեր են: Համամի՞տ եք: Թե՞ դա էլ շուտով ձեզ կսկսի կատաղեցնել:
Այս թեմայով բոլոր նյութերը բաց և հասանելի են:
Փա՛ռք Հիսուս Քրիստոսին»: