SANA գործակալության փոխանցմամբ` Սիրիայի տարածքում Իսրայելի ռազմաօդային ուժերի հարվածը հանդիսանում է արաբական հանրապետության միջազգային իրավունքի և ինքնիշխանության կոպիտ խախտման հատուկ օրինակ, ասված է Սիրիայի ԱԳՆ-ի ուղերձում, ուղղված ՄԱԿ-ի ԱԽ-ի գլխավոր քարտուղարին և նախագահին:
«Իսրայելի կողմից այսօրվա ագրեսիվ գործողությունները հանդիսանում են ահաբեկչական խմբավորումների բարոյական ոգին բարձրացնելու հերթական փորձ, որն ընկել էր սիրիական բանակի և նրա դաշնակիցների կողմից Սիրիայի բազմաթիվ շրջաններում զինյալների վերջին պարտություններից հետո»,- ասված է Սիրիայի ԱԳՆ-ի ուղերձում:
Ինչպես նշել են գերատեսչությունում՝ «այն փաստարկները, որոնք Իսրայելը բերում է ագրեսիվ գործողությունները հիմնավորելու համար, հանդիսանում են միայն խաբեության էժան փորձեր, որոնց ամեն անգամ դիմում է Իսրայելը, որպեսզի արդարացնի Գոլանի բարձունքների, պաղեստինյան տարածքների և Լիբանանի հարավային մի շարք շրջանների չդադարող օկուպացիան»:
«Դա միջազգային իրավունքի, ՄԱԿ-ի ԱԽ-ի բանաձևի, ինչպես նաև Սիրիայի ինքնիշխանության և տարածքային անձեռնմխելիության կոպիտ խախտում է»,- նշել են Սիրիայի ԱԳՆ-ում:
