Թուրքիայի նախագահ Ռեջեփ Թայիփ Էրդողանը և Միացյալ Նահանգների նախագահ Դոնալդ Թրամփը ապրիլի 16-ին Թուրքիայում կայանալիք սահմանադրական հանրաքվեից հետո կհանդիպեն: Այս մասին հայտարարել է Թուրքիայի արտաքին գործերի նախարար Մևլութ Չավուշօղլուն HaberTurk-ի եթերում:
«Եթե որևէ արտառոց դեպք չպատահի` Էրդողանի և Թրամփի դեմ առ դեմ հանդիպումը տեղի կունենա սահմանադրական հանրաքվեից հետո»,- ասել է արտգործնախարարը:
Նա հայտնել է նաև, որ մարտի 30-ին ԱՄՆ պետքարտուղար Ռեքս Թիլերսոնը կայցելի Թուրքիա: