Մոլդովան մտադիր է շրջանակային համաձայնագիր ստորագրել Եվրասիական տնտեսական միության հետ ապրիլին 3-ին Քիշինևում՝ կազմակերպության հանձնաժողովի այցի շրջանակներում: Ինչպես հաղորդում է RIA Novosti-ն, այս մասին հայտարարել է հանրապետության նախագահ Իգոր Դոդոնը:
«Ապրիլի 3-ին Քիշինև կժամանի Եվրասիական տնտեսական հանձնաժողովի ղեկավարությունը, մենք համագործակցության մասին շրջանակային համաձայնագիր կստորագրենք ԵՏՄ-ի հետ: Կարծում եմ, որ դա կհեշտացնի, որպեսզի մեր ապրանքները վերադառնան ռուսական շուկա, և ոչ միայն ռուսական, այլ նաև ԵՏՄ անդամ երկրների շուկաներ»,-ասել է Դոդոնը:
