ԴԱԻՇ ահաբեկչական խմբավորումը Ռաքա քաղաքը (Դամասկոսից 520 կիլոմետր հեռավորության վրա) հայտարարել Է պատերազմական գոտի և ամրություններ Է ստեղծում դրա շուրջը՝ պատրաստվելով պաշտպանության: Ինչպես հաղորդում է TASS գործակալությունը՝ վկայակոչելով արաբական թերթերը, քաղաքից դեպի հյուսիս ընկած ճակատում փորվում են հակատանկային խրամատներ և ականապատվում են ստորգետնյա թունելները:
«Ռաքայի հյուսիսային մասում խճուղով և փողոցներով երթևեկությունը փակ է, այնտեղ հայտնվել են բազմաթիվ բլինդաժներ»,- հրատարակությանը հայտնել է տեղացի ակտիվիստներից մեկը: Նրա խոսքով՝ զինյալները կամրջանավային գետանցներ են տեղակայել այն վայրերում, որտեղ կոալիցիայի օդուժը ռմբակոծել Է Եփրատի կամուրջները:
«Ահաբեկիչները բնակչությանը հանում են շրջակա շրջաններից՝ նրան որպես կենդանի վահան օգտագործելու համար: Երիտասարդներին և դեռահասներին հարկադրում են մտնել իրենց շարքերը՝ նրանց ռազմական գործ սովորեցնելով»,- նշել Է նա: Միեւնույն ժամանակ ԴԱԻՇ-ի պարագլուխներն ընտանիքներով (շուրջ 300 մարդ) Ռաքայից տեղափոխվել են Եփրատի հոսանքով ցած մի այլ նահանգային կենտրոն՝ Դեր Զոր (Դամասկոսից 420 կիլոմետր հեռավորության վրա), որն, ինչպես սպասվում Է, կհայտարարվի նրանց նոր առաջադիրքը:
