Մի խումբահաբեկիչներ ապստամբության փորձ են արել Ռաքքայում՝ քաղաք, որը համարվում է ԴԱԻՇ ահաբեկչական խմբավորման մայրաքաղաքը: Իրենց իսկ համախոհների դեմ ապստամբությունը հանգեցրել է տասնյակ զոհերի: Ինչպես հաղորդում է «Իզվեստիա» թերթը, այս իրադարձությունները ռազմական պարտությունների արդյունք են, որոնք վերջին ժամանակներս ԴԱԻՇ-ի գրոհայինները կրում են Սիրիայում և Իրաքում:
Ինչպես սոցցանցերում գրում են ականատեսները, Ռաքքայում ԴԱԻՇ-ի գրոհայինների կենսապայմանների դեմ «բողոքը» վերաճել է բախումների՝ հրազենային զենքի կիրառմամբ: Ծնունդով Թունիսից մի խումբ գրոհայիններ հանդես են եկել ընդդեմ ԴԱԻՇ-ի առաջնորդ Աբու Բաքր Ալ-Բաղդադիի և կրակ բացել իրենց համախոհների ուղղությամբ:
Քաղաքում մարտերը հանգեցրել են տասնյակ զոհերի: Ահաբեկիչներին հաջողվել է ճնշել խռովությունը և այժմ նրանք ձերբակալում են նրանց, որոնց կասկածում են խռովարարների հետ համագործակցության մեջ: