Ռուսաստանն ու Իրանը քննարկում են արդյունաբերությունում 10 միլիարդ դոլար արժողությամբ համատեղ նախագծերի իրացումը, լրագրողներին հայտնել է ՌԴ էներգետիկայի նախարար Ալեքսանդր Նովակը, որը երկուշաբթի հանդիպում է ունեցել Իրանի կապի նախարար Մահմուդ Վաեզիի հետ: Այդ մասին հայտնում է RIA Novosti-ն:
«Այսօր մենք քննարկել ենք նոր փաստաթղթերը, որոնք պլանավորվում է նախապատրաստել ստորագրման համար նախագահ Ռոհանիի՝ Մոսկվա այցի ժամանակ: Մենք որոշել ենք, որ մոտավորապես 10-ից ավելի այդպիսի փաստաթուղթ կնախապատրաստվի: Այժմ դրանք պատրաստվածության բարձր աստիճանում են»,- ասել է նախարարը:
Նրա խոսքերով` երկրների միջև համագործակցություն իրականացնելու և զարգացնելու համար հարկավոր է նաև ստեղծել ֆինանսական և տնտեսական պայմաններ բանկային ոլորտում:
