ԼՂ հակամարտության հարցում անհրաժեշտ է ամենաբարձր մակարդակով վերադառնալ բանակացային սեղանի շուրջ։ Այս մասին Բաքվում ԵԱՀԿ Մինսկի խմբի համանախագահների մամլո ասուլիսի ժամանակ ասել է ամերիկացի համանախագահ Ռիչարդ Հոգլանդը։
Նրա խոսքով՝ 2016 թվականի ապրիլյան իրադարձությունների առաջին տարելիցն անհրաժեշտ է դիմավորել ոչ թե ճակատում, այլ բանակցային սեղանի շուրջ։ Դիվանագետը հավելել է, որ երեք համանախագահներից յուրքանչյուրը կարծում է, որ հակամարտության կարգավորումը ռազմական ճանապարհով անհնարին է։
Հոգլանդի կարծքով՝ 25 տարիների դիվանագիտական գործունեությունը կանխել է ողբերգական իրադարձություններ։ «Չնայած այն բանին, որ բանակցությունները 25 տարիների ընթացքում արդյունք չեն տվել, դիվանագիտական գործունեության նպատակն է կարգավորման համար պայմաններ ստեղծելը։
Երեք երկրներից յուրաքանչյուրի կառավարությունն ու համանախագահները կշարունակեն ջանքեր ներդնել, քանի դեռ հակամարտող կողմերը քաղաքական կամք չեն դրսևորել»,-ասել է Հոգլանդը։
