Բելառուսի նախագահ Ալեքսանդր Լուկաշենկոն հայտարարել է, որ Մինսկը Ռուսաստանից սպասում է ոչ թե գազի ցածր գին, այլ միութենական պարտականությունների կատարում:
«Շատ կարճ և հստակ կասեմ՝ ինչ ենք մենք ուզում. ոչ մի ցածր գին չենք ուզում գազի համար: Մեզ պետք է, որպեսզի եղբայրական Ռուսաստանի ղեկավարությունը կատարի իր պարտականությունները, ըստ բովադակության: Եթե մենք մեր միություն ենք կառուցում, ապա մեր մարդիկ և ձեռնարկությունները պետք է հավասար պայմաններ ունենան այս շուկայում: Վերջ, մենք այլ բան չենք ուզում»,-մեջբերում է Լուկաշենկոյի խոսքերը «Բելտա» գործակալությունը:
Նա ընդգծել է, որ Ռուսաստանի և Բելառուսի հարաբերությունների հիմքում հաշվապահություն չպետք է լինի:
«Ի դեպ, մեզ սկսել են վախեցնել, որ բնական գազ կսկսենք գնել եվրոպական գներով: Սա կարծես թե ակնարկ լինի բոլորին առաջին հերթին Ռուսաստանում, ապա Բելառուսում, որ Ռուսաստանում մեզ կերակրում են, որ կարծես թե նրանք մեզ նվեր են անում: Ըստ երևույթին, ռուսների ճնշող մեծամասնությունը կարծում է և հասկանում է, որ մեր հարբերությունները Ռուսաստանի հետ հաշվապահություն չէ»,-ասել է Բելառուսի նախագահը՝ հավելելով, որ այդ հարաբերությունների հիմքում ավելին է ընկած: