RIA Novosti-ի փոխանցմամբ` ԱՄՆ նախագահ Դոնալդ Թրամփը հայտարարել է, որ Վաշինգտոնը մտադիր չէ հանդուրժել Իրանի ռազմածովային ուժերի «սադրիչ գործողությունները», հայտնել է Սպիտակ տան մամլո քարտուղար Շոն Սփայսերը:
«Նախագահին, իհարկե, հաղորդել են ԱՄՆ-ի նավի մասին, որը եղել է մոտ (իրանյան նավին): Նախագահը հստակ հայտարարել է, որ ԱՄՆ-ը չի հանդուրժի (Իրանի) այդ սադրիչ գործողությունները»,- հայտարարել է Սփայսերը չորեքշաբթի օրը ճեպազրույցի ընթացքում:
Ավելի վաղ ԱՄՆ ռազմածովային ուժերի նավը Հորմուզի նեղուցում փոխել է ընթացքը` իրանյան մոտորանավակների մոտենալու պատճառով, որոնք ամերիկյան USNS Invincible նավին մոտեցել են մոտ 550 մ տարածության վրա, որը ուղեկցվում էր բրիտանական երեք ռազմանավերի կողմից:
Ամերիկյան պաշտոնյաների հայտարարությունը Իրանի ներկայացուցիչը անվանել է «սխալ» և ամերիկյան նավին է մեղադրել իրենց մոտենալու համար:
Միջադեպը տեղի է ունեցել անցած շաբաթ օրը: