Ժնևում մարդու իրավունքների հարցերով ՄԱԿ-ի խորհրդի նիստին, որը կայացել է մարտի 7-ին, քննարկվել է Ադրբեջանում ստեղծված իրավիճակը:
Իրավապաշտպանների հարցերով ՄԱԿ-ի հատուկ զեկուցող Միշել Ֆորստն իր ելույթի ժամանակ ասել է, որ սեպտեմբերին եղել է Ադրբեջանում և փաստել հիմնարար ազատությունների ոլորտում իրավիճակի վատթարացում, ինչը երկիրը հասցնում է ավտորիտարիզմի: Միևնույն ժամանակ Ֆորստը նշել է, որ ինքը ևս հարձկումների է ենթարկվել ադրբեջանկան կառավարության կողմից իր եզրահանգումների պատճառով:
Ադրբեջանի քաղաքացիական հասարակության ներկայցուցիչներն իրենց հերթին հայտնել են քաղաքական հայացքների համար մարդկանց հետապնդելու, մարդկանց հիմնարար իրաավունքների ոտնահարման, քաղբանտարկյլների թվի աճի մասին:
Ինչպես հաղորդում է contac.az-ը, նիստին ադրբեջանական իշխանությունների ներկայացուցիչը փորձել է հերքել քննադատությունները՝ կտտանքների փաստերի մասին տեղեկատվությունն անվանելով «հեքիաթներ»:
Ադրբջանական քաղաքացիական հասարակության ներկայացուցիչները ՄԱԿ-ին կոչ են արել ավելի ուշադիր լինել այս երկրում մարդու իրավունքների հետ կապված խնդիրներին: