Բելառուսական ոստիկանության մարտունակության դրսևորումը չի վախեցրել քաղաքացիներին. Բելառուսում տեղի է ունեցել բողոքի հերթական ակցիան «ձրիակերության» մասին օրենքի դեմ: Դիտորդների գնահատմամբ՝ այս ակցիան ավելի մեծ է եղել նախորդներից, գրում է «Նեզավիսիմայա գազետա»-ն:
Թերթի փոխանցմամբ՝ «ոչ ձրիակերների երթ» է տեղի ունեցել Բրեստում: Նման ակցիաներ արդեն անցկացվել են Մինսկում, Վիտեբսկում և մի շարք այլ քաղաքներում: Հերթական բողոքի ակցիային այս անգամ մասնակցել է շուրջ 1000 մարդ: Բելառուսցիները հասկացել են, որ իրենց ծեծի չեն ենթարկելու, չեն ձերբակալելու, ուստի սկսել են պաշտպանել իրենց իրավունքները՝ գրում է թերթը:
Գործազուրկ քաղաքացիների համար հարկի սահմանման հետ կապված բողոքի ակցիաները Բելառուսում շարունակվում են արդեն երրորդ շաբաթը: Դրանց յուրահատկությունն այն է, որ դրանք անցկացվում են հիմնականում ոչ թե մայրաքաղաքում, այլ շրջաններում, իսկ դրանց մասնակիցները ոչ միայն քաղաքականապես ակտիվ քաղաքացիներն են, այլև սովորական բնակիչները, որոնք նախկինում երբեք չեն մասնակցել բողոքի ցույցերի:
Իշխանությունները սկզբում որևէ ուշադրություն չէին դարձնում նման ցույցերին՝ ամենայն հավանականությամբ, հույս ունենալով, որ դրանք կդադարեն: Այնուհետև սկսեցին ցույցերի մասնակիցներին կանչել և տուգանել: Իսկ նախօրեին իրավապահները կրկին վերդարձան ձերբակալությունների պրակտիկային՝ զերծ մնալով բռնություն գործադրելուց:
Իշխանությունները հայտնվել են բարդ և անսովոր իրավիճակում՝ գրում է թերթը: Նրանք չեմ կարող կիրառել նախկինում մշակված ահաբեկման մեթոդները, քանի որ Արևմուտքի հետ հարաբերությունները կվերադառնան սառը պատերազմի մակարդակին և հորիզոնում երևացող վարկերի մասին ստիպված կլինեն մոռանալ: Ռուսաստանի աջակցությունից զրկված Ալեքսանդր Լուկաշենկոն չի կարող նման բան թույլ տալ իրեն:
Իշխանությունների հարկադիր թուլությունը բխում է ընդդիմության շահերից, որոնք փորձում են օգտագործել բելառուսցիների բողոքական տրամադրվածությունը: Այն ժամանակ, երբ շրջանները բողոքում են «ձրիակերության դեմ». Մինսը գաղափարական վիճաբանություն է սկսել իշխանությունների հետ. ավելի քան մեկ շաբաթ է պահում է Մինսկի ծայրամասում գտնվող վրանային քաղաքի պաշտպանությունը, որտեղ 1930-1940-ական թթ. գնդակահարվել և հուղարկավորվել է տարբեր տվյալներով 30—ից 250 հազար մարդ: Ակտիվիստները դեմ են, որպեսզի այստեղ բիզնես-կենտրոն կառուցվի:
Փորձագետների կարծիքով՝ Ալեքսանդր Լուկաշենկոն դեռևս չի որոշել, ինչպես հաղթի պատերազմը միանգամից երեք ճակատում (Ռուսաստանի հետ հկամարտություն, ձրիակերներ, Կուրոպատի պաշտպաններ): Դեռևս Լուկաշենկոն փորձում է միավորել այս ճակատներից երկուսը: Նա հայտարարել է, որ ձրիակերներին բողոքի են դրդում որոշակի արտաքին ուժեր: Լուկաաշենկոն հստակ չի նշել՝ ինչ արտաքին ուժերի մասին է խոսքը, բայց շատերը կարծում են, որ նա նկատի ունի Ռուսաստանին: