Գերմանական ավտոմոբիլային Daimler կոնցեռնը հետ է կանչում ավելի քան 1 մլն Mercedez-Benz ավտոմեքենաներ՝ բռնկման ռիսկի պատճառով։ Այս մասին հայտնում է BBC-ն։
Համաձայն ընկերության հաղորդագրության՝ ընդհանուր առմամբ գրանցվել է մեքենաների բռնկման 51 դեպք։ Պատճառն անսարք ապահովիչներն են։ Դեպքերից 30-ը գրանցվել են ԱՄՆ-ում։ Այդ միջադեպերի հետևանքով ոչ ոք չի տուժել։
Թերությունները 2015-17 թթ արտադրության A, B, C և E դասի մեքենաներում, ինչպես նաև CLA, GLA և GLC ավտոմեքենաներում կարող են գերտաքացման հանգեցնել շարժիչի միացման ժամանակ։
Նշվում է, որ անսարք ապահովիչով, հետկանչվող մեքենաներից 307 329-ը գտնվում են ԱՄՆ-ում։
Նոր մեքենաներում ապահովիչի հետ կապված խնդիրը վերացվել է։