Բելառուսը և Վրաստանը երբեք ընկերություն չեն արել ինչ-որ մեկի դեմ և չեն պատրաստվում: Ինչպես հաղորդում է TASS գործակալությունը, այս մասին հայտարարել է Բելառուսի նախագահ Ալեքսանդր Լուկաշենկոն իր վրացի գործընկեր Գեորգի Մարգվելաշվիլիի հետ բանակցություններին:
«Մենք երբեք ընկերություն չենք արել ինչ-որ մեկի դեմ և չենք պտրաստվում, բայց ունենք մեր շահերը»,-ասել է Լուշակենկոն՝ շնորհակալություն հայտնելով Վրաստանի նախագահից այն դիրքորոշման համար, որ զբաղեցնում է վրացական կողմը միջազգային կազմակերպություններում, ԵՄ-ում՝ աջակցելով և պաշտպանելով Բելառուսի շահերը:
Լուկաշենկոյի խոսքով՝ Բելառուսը պատրաստ է ցանկացած համագործակցության Վրաստանի հետ: Նա նաև նշել է, որ երկրները հնարավորություն ունեն փոխադարձ ապրանքաշրջանառությունը տարեկան հասցնել մինչև 200 միլիոն դոլարի: