Ռուսաստանը Ղրղըզստանին կաջակցի ԵՏՄ-ին ինտեգրվելու ճանապարհին: Ինչպես հաղորդում է RIA Novosti-ն, այս մասին հայտարարել Է ՌԴ նախագահ Վլադիմիր Պուտինը:
«Մենք գիտենք՝ որքան դժվար Էին ընթանում մեր բանակցությունները Եվրասիական տնտեսական միությանն անդամակցելու շուրջ, նախագահը որքան հուզականորեն և բավականին կոշտ Էր պաշտպանում Ղրղըզստանի շահերը»,-ասել Է Պուտինը՝ ելույթ ունենալով Ղրղըզստանի նախագահ Ալմազբեկ Աթամբաեւի հետ ընդլայնված կազմով բանակցություններում:
Ռուսաստանի ղեկավարը նշել Է, որ նման պայմանավորվածությունները միշտ Էլ փոխզիջում են ենթադրում, որը գոհացնում Է գործընթացին մասնակցող բոլոր կողմերին: «Կցանկանայի նշել, որ այս տարի Ռուսաստանը նախագահում Է Եվրասիական տնտեսական միությունում: Ես ցանկանում եմ ձեզ հաջողություններ մաղթել, մենք ամեն կերպ կաջակցենք այդ գործընթացին»,-ասել Է Պուտինը բանակցություններում:
Նա հիշեցրել Է, որ հատուկ գործիքներ են ստեղծվել ԵՏՄ-ին Ղրղըզստանի ինտեգրացումը դյուրացնելու համար, ինչպես նաև այն բանի համար, որ երկրի տնտեսությունը հարմարվի « տնտեսական միության կանոններին»: