Մերձավոր Արևելքի պետությունները պետք է միավորվեն և ստեղծեն կոալիցիա, որն ուղղված կլինի Իրանի դեմ: Այս մասին Die Welt պարբերականին տված հարցազրույցում ասել է Իսրայելի ՊՆ նախարար Ավիգդոր Լիբերմանը:
Նրա կարծիքով՝ Մերձավոր Արևելքում գիտակցել են, որ ներկայում «անենաշատ սպառնալիքը» բխում է Իրանից:
«Ժամանակն է եկել Մերձավոր Արևելքի բոլոր չափավոր ուժերի մասնակցությամբ, կարևոր չէ խոսքը մուսուլմանների, հուդդայականների, թե քրիստոնյաների մասին է, ձևավորել միություն, կոալիցիա ընդդեմ ահաբեկչության»,-ասել է նախարարը՝ ընդգծելով, որ նման դաշինքը պետք է նախևառաջ պաշտպանի իր անդամներին:
Լիբերմանի խոսքով՝ նման միությունը պետք է կոշտ պատժամիջոցներ սահմանի Իրանի դեմ: Նա համոզմունք է հայտնել, որ «չափավոր արաբական պետությունները Իսրայելի կարիքն ավելի շատ ունեն, քան Իսրայելը նրանց»: