Եվրամիության խորհուրդը Էներգետիկայի և տրանսպորտի նախարարների մակարդակով փետրվարի 27-ին հավանության է արժանացրել Վրաստանի քաղաքացիների համար այցագրային ռեժիմի չեղարկման որոշումը: Այս մասին Facebook սոցցանցում գրառում է կատարել վարչապետ Գեորգի Կվիրիկաշվիլին՝ վկայակոչելով ԵՄ խորհրդի համապտասխան հայտարարությունը:
«Եվրամիության խորհուրդը հաստատել Է այն կարգավորման փոփոխումը, որը նախատեսում Է անայցագիր ռեժիմի սահմանում Վրաստանի քաղաքացիների համար»,-գրել Է Կվիրիկաշվիլին:
Նշենք, որ սա վերջին փուլերից մեկն է Եվրամիության կողմից Շենգենյան գոտու երկրներ Վրաստանի քաղաքացիների կարճաժամկետ ուղևորությունների համար անայցագիր ռեժիմի գործարկման ճանապարհին: Սահմանված ընթացակարգերի համաձայն՝ համապատասխան օրենսդրական փոփոխությունները պետք Է Եվրամիության պաշտոնական հանդեսում հրապարակվեն այն բանից հետո, երբ դրանք կստորագրեն Եվրախորհրդարանի նախագահը, ինչպես նաև Եվրամիության խորհրդի նախագահող երկրի ներկայացուցիչը (Մալթա):
Փաստաթղթի ստորագրումը պլանավորվում է մարտի 1-ին: Կարգավորումն ուժի մեջ կմտնի հրապարակումից հետո 21-րդ օրը: Կարգավորման ուժի մեջ մտնելուց հետո Վրաստանի քաղաքացիները կկարողանան առանց այցագրերի Շենգենյա գոտու երկրներում գտնվել 90-ից մինչև 180 օր: