Ազգային ժողովը քննարկում է ՀՀ վերահսկիչ պալատի նախագահ նշանակելու հարցը: Ազգային ժողովի նիստի ընթացքում ՀՀ ԱԺ նախագահ Գալուստ Սահակյանը հիշեցրեց, որ ՀՀ նախագահ Սերժ Սարգսյանը վերահսկիչ պալատի նախագահի պաշտոնում առաջադրել է Լևոն Յոլյանի թեկնածությունը:
Լևոն Յոլյանն իր ելույթի սկզբում շնորհակալություն հայտնեց ՀՀ նախագահին վստահության համար, ինչպես նաև Ազգային ժողովի պատգամավորական խմբակցություններին՝ կառուցողական քննարկումների համար: «ՎՊ ոլորտում ես նոր մարդ չեմ »,- նշեց Յոլյանը և վստահեցրեց, որ վերահսկիչ պալատի նախագահի պաշտոնում նշանակվելու դեպքում միշտ պատրաստ կլինի առկա խնդիրներին արդյունավետ լուծումներ գտնել:
Նա նշեց, որ կողմնակից է այն մոտեցմանը, որ Վերահսկիչ պալատը պետք է իրականացնի ոչ թե պատժիչ, այլ կանխարգելիչ գործունեություն, իսկ այդ գործողությունները պետք է լինեն հրապարակային և թափանցիկ:
Մանրամասները՝ տեսանյութում: