Սիրիական պատերազմին առնչվող «Սպիտակ սաղավարտներ» (The White Helmets) ֆիլմը «Օսկար» է նվաճել որպես «լավագույն կարճամետրաժ վավերագրական ֆիլմ»։
Ռեժիսոր Օռլանդո ֆոն Այնսիդելի 40 րոպեանոց ֆիլմը պատմում է սիրիական պատերազմի, Սիրիայում գործող մարդասիրական կազմակերության աշխատանքի մասին։ Մրցանակը ստանալուց հետո Այնսիդելը խնդրել է դահլիճում ներկա գտնվողներին ոտքի կանգնել՝ ի նշան այն բանի, որպեսզի պատերազմը հնարավորինս շուտ ավարտվի։
Արարողությունից օրեր առաջ հայտնի էր դարձել, որ ԱՄՆ-ը արգելել է այդ ֆիլմի վրա աշխատած օպերատորի մուտքը երկիր։
«Լավագույն մոնտաժ» անվանակարգում լավագույնն է ճանաչվել Մել Գիբոսնի «Խղճի նկատառումներով» (Hacksaw Ridge) ֆիլմը։
«Լավագույն տեսողական էֆեկտների» համար «Օսկար» է ստացել Ջոն Ֆավրոյի «Ջունգլիների գիրքը» (The Jungle Book) ֆիլմը։
Լավագույն սաունդթրեքի համար մրցանակ է ստացել «Լա Լա Լենդը» (La La Land)։
Լավագույն օպերատոր է ճանաչվել Լինուս Սանդգրենը («Լա Լա Լենդ»)։