Լիտվա է ուղարկվել մի քանի տասնյակ գերմանական զինտեխնիկա՝ Ռուսաստանին զսպելու համար։ Այս մասին գրում է Stern պարբերականը։
Նշվում է, որ մարտական մեքենաները գտնվում են Ռուսաստանից 100 կմ հեռավորության վրա։ Լիտվա ուղարկված ռազմական տեխնիկայի թվում են քսան Marder հետևակի մեքենաներ և վեց Leopard 2 տանկեր։
Առաքելությունն իրագործվել է ՆԱՏՕ-ի արևելյան ճակատի ուժեղացման շրջանակում։
Լիտվայում կգտնվեն նաև Բունդեսվերի 450 զինվորներ։
«Հաջորդ շաբաթ մենք կարող ենք անցնել վարժանքներին»,-մեկնաբանել է Բունդեսվերի ներկայացուցիչ Տորստեն Շտեֆանը։
Նշվում է, որ սա զորքերի պատմական տեղաշարժ է։ Երկրորդ համաշխարհային պատերազմի ավարտից հետո առաջին անգամ ռուսական սահմանների մոտ են ուղարկվել գերմանական տանկեր՝ իրենց հերթին գրում են ավստրիական ԶԼՄ-ները։