«Երեխայի սեռով պայմանավորված աբորտների հետևանքով արդեն տեսանելի ցուցանիշներ են արձանագրվում, հատկապես մարզերում նկատելի է դպրոցական տղաների և աղջիկների թվի անհամամասնություն, կան դասարաններ, որոնցում աղջիկներ չկան կամ նրանց թիվը քիչ է: Ուսուցիչների հավաստմամբ՝ կան դեպքեր, որ երբ դասարանում 1-2 աղջիկ է լինում, ծնողներն իրենց աղջիկ երեխաներին նախընտրում է դպրոց չտանել կամ տանել այլ դպրոց: Որպես հետևանք ի հայտ է գալիս երկրորդ ալիքը՝ նախ աղջիկներին զրկում են ծնվելու իրավունքից, հետո էլ ծնվածները զրկվում են սովորելու իրավունքից»,- այս մասին «Առաջին լրատվական»- ի հետ զրույցում նշեց ՄԱԿ-ի բնակչության հիմնադրամի գործադիր ներկայացուցիչ Գարիկ Հայրապետյանը:
Նրա խոսքով՝ այս ամենը մեր մշակույթում առկա կարծրատիպերի հետևանք է: «ՀՀ-ում պետք է ապահովել կին-տղամարդ հավասարությունը, կինը և տղամարդը պետք է ունենան հավասար հնարավորություններ և հավասար ռեսուրսներ իրենց կյանքը պլանավորելու, դասավորելու համար:
Մեր հասարակությունում կա կարծրատիպ, որ կինը չի կարող լինել հավասարաչափ հաջողակ, որքան տղամարդը, և այդ կարծրատիպը հիմնավորված է իրականության վրա: 2016թ. արված հետազոտության արդյունքում պարզվեց, որ կանայք մոտ 30 տոկոսով ավելի քիչ եկամուտ են վաստակում, քան տղամարդիկ… Ծնողները մտածում են՝ եթե աղջիկ ունենանք, չի կարողանալու ինքն իրեն պահել, ինչպե՞ս է մեզ պահելու, երբ որ մեծահասակ լինենք: Եվ այս փաստը բերում է այն մտքին, որ պետք է տղա ունենալ, որ ֆինանսապես աջակից լինի ծնողին»:
Սակայն, Գարիկ Հայրապետյանի հավաստմամբ, երբ 2016-ին հետազոտություն է անցկացվել Հայաստանի ծերանոցներում, պարզվել է, որ այնտեղ գտնվող ծերերից մոտ 65 տոկոսը տղա երեխաներ ունեն, և նրանցից միան 20 տոկոսն է այցելում իրենց ծնողներին:
Մանրամասները՝ տեսանյութում: