«Հայաստանի տնտեսության զարգացման տեսանկյունից մենք առաջին հերթին խոսում ենք գյուղատնտեսության մասին, մասնավորապես բարձրորակ էկոլոգիապես մաքուր ապրանքների մասին, բայց կա նաև բավական մեծ ներուժ զբոսաշրջության: Եվ իհարկե տնտեսությունում կան որոշ ոլորտներ, օրինակ ՏՏ ոլորտը, որը բավականին ինտենսիվ զարգանում է Հայաստանում և նույնիսկ հայկական ընկերությունները Ուկրաինայից և Բելառուսից փորձում են կադրեր ներգրավել, որպեսզի կարողանան իրենց անընդհատ աճող կարիքները բավարարել»,- «Առաջին լրատվական»-ի հետ զրույցում այս մասին ասաց բիզնես կառավարման մասնագետ Քրիստիան Գեսալը:
«Հայաստանի գյուղատնտեսության զարգացման հեռանկար, իհարկե, կա, օրինակ՝ հայկական կոնյակը ամբողջ աշխարհում հայտնի է, իսկ հայկական ծիրանը՝ ոչ, թեև այն աշխարհում լավագույնն է: Որպեսզի մենք հայկական գյուղատնտեսական ապրանքները ճանաչելի դարձնենք ամբողջ աշխարհում, պետք է խոսենք տարածաշրջանային բրենդինգի մասին, այսինքն՝ հայկականը նշանակի նաև որակ: Իհարկե պետք է խոսել նաև ենթակառուցվածքների զարգացման և արտահանման տարբեր մեխանիզմների մասին: Հայկական գյուղատնտեսական ապրանքներն իսկապես շատ մրցունակ կարող են լինել, եթե դրա խթանման համար մեխանիզմներ լինեն, հաշվի առնելով Սփյուռքի առկայությունը՝ հնարավոր է հաջողության հասնել»,- ասաց Քրիստիան Գեսալը:
Մանրամասները՝ տեսանյութում: